Transcription
1
Monseigneur, despuis le 23 est arrivé en ce païs Monsieur
2
des Adrés, avecques ses compagnies distribuées à Pignerol,
3
Carmagnolle et Savillian ; et vous ayant escrit par
4
mes dernières lettres que Don Joan d’Austria estoit
5
passé en Levant avecques son armée, et ayant
6
despuis veu par lettres de Gennes qu’il estoit encores
7
à Messine ou Palerme, n’ay voullu fallir vous escrire
8
comme ledit Don Joan ha faict entendre au sieur
9
Marc Anthoine Colonne et au providadeur des Venitiens
10
que, par resolution du roy Philippe, il ne pouvoit passer
11
plus oultre pour aller en Levant, estant contrainct
12
s’arrester pour la guarde et deffence des royaulmes
13
et païs de son roy, et que neantmoins, pour le
14
entretenement de la Ligue, il leur envoye 25
15
galleres avecques quelque nombre de nefs et
16
d’enfanterie, retenant le reste de son armée
17
pour le besoing de son roy, ce qu’on interprete pour
18
le secours de La Goulette ou entreprinse d’Argiers.
19
Nous avons aussi lettres de Rome par lesquelles on
20
escrit que le pape ha mandé levesque d’Assisi
21
devers l’empereur pour luy demander temps à se resouldre
22
[v°] sur la revocation du tiltre de grand duc de Toscane
23
que le feu pape donna au duc de Ferrare, ayant
24
faict instanse l’embassadeur de l’empereur en plein
25
consistoire de telle revocation avecques preteste que
26
aultrement se partira de Rome et que l’empereur
27
ny envoyera plus ambassadeur, ne luy rendra
28
l’obeissance accostumée. Monsieur le duc de Savoye
29
continue tousjours à fortifier et munir ses places en ce païs
30
et ha imposé de nouveau ung subside sur le
31
bois qui s’i remet à raison de cinquante ung
32
et encores que je ne face doubte que du costé
33
de Flandres ne soiés mieux adverti que nous,
34
si est ce que pour estre venu de Milan ung
35
denombrement fort particulier des forces du
36
duc d’Albe, m’a semblé le vous debvoir envoyer
37
comme ce faits, attendant aultres occurrenses que
38
vous puisse escrire, supplieray le Createur,
39
Monsieur, vous donner en parfaicte santé
40
heureuse et longue vie. De Saluces, ce 25
41
julhet 72.
42
Vostre très humble et affectionné
43
Serviteur
44
M Bovier